Afsos afsos
wah log
jo bade banne ki koushish me
chhote hote jate hai
malum nahi kyu
unhe apna kad
pashand nahi aata
buta sa mamuli inshan sa kad
zindgi ki bejarar latafate
balpan ki mithi,totali boli
dosti ki maze maze ki
hikayate or shikayate
aankho aankho me batein
or wah tang pechida rahe
jo dilo ko dilo se jodti hai
inhe achhi nahi lagti
nashe me dhut
ye duniya ko ulat kar
apni duniya alag
bashana chahte hai
lekin kisi badmast sharabi ke
ladkhadate pero ko
bahisht kaa rasta kab mila hai
nai duniya usne kab bashai
wo udte hai
to ashman unshe dur hota jata hai
wo chalte hai to jamin unka
boj bardast nahi karti
jamana unki parchhai se bhi
dur bhagta hai
wo tante hai,
akadte hai,
yaha tak ki tut jate hai!
or koi unki barbadi par
aashu nahi bahata……
afsos….afsos…..!
-Sajjad Zaheer
No comments:
Post a Comment